વરસાદની આતુરતા
વરસાદની વિહવળતા, વ્યથા અને વેદના તે ગરમીનું પ્રકોપ રૂપ ધારણ કરી સાબિતી આપે છે. ધરતી પર પગ મુક્તા ડામ પડી જાય એટલો તાપ,ઉકળાટ એ વરસાદની ધરતીને મળવાની આતુરતામાં આક્રોશ છલકાય છે. આઠ મહિનાઓથી પોતાની પ્રિયતમાને મળવા તે વ્યથિત છે. તેની આ વ્યથામાં પૃથ્વીવાસીઓ પણ વ્યથાથી પીડાય છે. ધરતીના લોકો તેની આતુરતાથી રાહ જુએ છે. જયારે વારસદ અને વસુંધરા એકબીજાના મિલનના અવસરની રાહ જુએ છે.
વરસાદને જેટલી વસુંધરાની મળવાની વિહવળતા ,ઉત્સુકતા ,તડપન છે એટલી જ વસુંધરાને પણ છે. તે રાહ જોઈ બેઠી છે ક્યારે મારો પ્રિયતમ આવી મને લીલી ચુંદડી ઓઢાડશે, ક્યરે હું 'શૃંગાર' સાજીશ. તે આવશે અને તેના સ્પર્શ માત્રથી એ મીઠી- મ્હેકથી સુગંધ ચોતરફ પ્રસરાશે. જેને હું મન ભરીને મારા શ્વાસો- શ્વાસમાં ભરી તૃપ્ત થઈશ. આટલા મહિનાઓ પછી હું આટલી ધોમ, ધખ -ધખતી ધરા ભઠીની જેમ ટપુ છું ક્યારે તેનો સ્પર્શ મને શીતળતાનો આહલાદક અનુભવ કરાવશે .મારા સંતાનો ,મારા આ પૃથ્વીવાસીઓ,મારા ખેડુતપુત્રો ક્યરનાય એના આગમનની સૌ કોઈની પ્રતીક્ષા અને એમની આતુરત જોઈ ડી બોલી ઉઠે છે; "આપના આગમનથી દિલ ડોલી ઉઠે છે ,
કાગડો' કોયલની વાણી બોલી ઉઠે છે!
સ્પર્શ એમનો સૌરભ ભર્યો મન બોલી ઉઠે છે ,
વિરહ એમનો વ્યથા ભર્યો મન જ્વલી ઉઠે છે."
ફક્ત વરસાદ અને વસુંધરાને જ નહિ પરંતુ તમામ ધરતીના સંતાનોને તેમની પ્રતીક્ષા છે. પશુ,પક્ષી,વનસ્પતિ,જીવસૃષ્ટિ તેની કાગડોળે રાહ જુએ છે. આજે એની આતુરત પહેલા સ્વપ્નોમાં અને કલ્પનામાં વાસ્તવિક સૃષ્ટિનું નિરૂપણ સહજ ઉપસી આવે છે. એ મોરનું થનગનાટ નાચવું, ઠેકવું, ચાતકનું બુંદનું ચાખવું, ખેડ્તનું બીજ રોપવું અને ધરતીનું એ નવોઢાનું સ્વરૂપ. વાહ! કેટલું અદભૂત હશે દ્રશ્ય. આહ!વાહ!ના શબ્દોથી લોકો આત્માથી આશીર્વચનોને આત્મસાત કરશે.પરંતુ આ છે એમના આવ્યા પછીની વાત હાલ તો પ્રતીક્ષાની પરિક્ષા અને પરિણામની પરબ પર જ પ્રાર્થના કરી શકાય. જલ્દી આવ મેઘરજ તારી આતુરતમાં આગમનનો અમીરસ બની છલકાય જા ....................... !
No comments:
Post a Comment